არჩევნებში მონაწილეობის მსურველი სუბიექტების ვინაობა დღეს გაირკვევა

8 სექტემბერს, 18:00 საათამდე, პოლიტიკური პარტიების მიერ დასახელებულმა მაჟორიტარი დეპუტატობისა და მერობის კანდიდატებმა რეგისტრაციისათვის, შესაბამის საოლქო საარჩევნო კომისიებს უნდა მიმართონ. შესაბამისად, ცნობილი გახდება, რამდენ კანდიდატს სურს კენჭი იყაროს 8 ოქტომბრის არჩევნებში და ვინ იქნებიან ეს კანდიდატები.

პარტიების მიერ წადგენილი პარლამენტის წევრობის კანდიდატების სარეგისტრაციო დოკუმენტაციას, შესაბამისი საოლქო საარჩევნო კომისია 10 დღის ვადაში ამოწმებს. იმ შემთხვევაში თუ დოკუმენტაცია სრულყოფილია, კანდიდატი ოფიციალურად დარეგისტრირდება.

რაც შეეხება მერობის კანდიდატს, საბუთებს შესაბამისი საარჩევნო კომისიის თავმჯდომარე, მის საბუთებს წარდგენიდან 2 დღის ვადაში ამოწმებს და თუ დოკუმენტაცია საარჩევნო კოდექსით დადგენილ მოთხოვნებს აკმაყოფილებს, მერობის კანდიდატს არეგისტრირებს.

ამ დროისათვის, სამცხე–ჯაავხეთის მასშტაბით, სამ გაერთიანებულ ოლქში, პოლიტიკური პარტიების მიერ სულ 23 მაჟორიტარი დეპუტატობის კანდიდატია დასახელებული. მათი უმრავლესობა ამ დრომდე საოლქო საარჩევნო კომისიაში არ დარეგისტრირებულა.

ახალციხის მერის რიგგარეშე არჩევნებისთვის კი კანდიდატი სამმა პარტიამ დაასახელა. მათგან 8 სექტემბრამდე რეგისტრაცია მხოლოდ ერთმა კანდიდატმა გაიარა.

[თაკო ფეიქრიშვილი, ახალციხე]