რა ხდება არჩევნებამდე ზუსტად ერთი თვით ადრე – ცესკოს კალენდარი

დღეს, 8 სექტემბერს

1. იმართება საუბნო საარჩევნო კომისიის პირველი სხდომა, რომელსაც იწვევს შესაბამისი საოლქო საარჩევნო კომისიის თავმჯდომარე.

✔ საოლქო საარჩევნო კომისია საუბნო საარჩევნო კომისიას გადასცემს საოლქო საარჩევნო კომისიის თავმჯდომარისა და კომისიის მდივნის მიერ ხელმოწერილ ამომრჩეველთა ერთიანი სიის საჯარო ინფორმაციისთვის მიკუთვნებულ ვერსიას (ფოტოსურათების გარეშე)

✔ საუბნო საარჩევნო კომისია პირველივე შეკრების დღეს საუბნო საარჩევნო კომისიისა და კენჭისყრის შენობაში თვალსაჩინო ადგილას აკრავს ამომრჩეველთა ერთიანი სიის საჯარო ინფორმაციისთვის მიკუთვნებულ ვერსიას (ფოტოსურათების გარეშე) და მათთან დაკავშირებით საჩივრის შეტანის კანონით განსაზღვრულ წესს;

2. ცესკო სხვა სახელმწიფოში ქმნის საარჩევნო უბნებს, საგარეო საქმეთა სამინისტროს
მონაცემების საფუძველზე;

3. პარტია/საარჩევნო ბლოკი ცესკოს თავმჯდომარეს წარუდგენს პარტიულ სიას. თუ კანდიდატი იმავდროულად წარდგენილია მაჟორიტარულ საარჩევნო ოლქში, სააღრიცხვო ბარათთან, საქართველოს მოქალაქის პირადობის მოწმობასთან ან საქართველოს მოქალაქის პასპორტის ფოტოასლთან და ფოტოსურათთან ერთად წარდგენილი უნდა იქნეს ცნობა ნარკოლოგიური შემოწმების შესახებ.

4. არჩევნებში დამოუკიდებლად მონაწილე პარტია/საარჩევნო ბლოკი/ამომრჩეველთა საინიციატივო ჯგუფი საარჩევნო ოლქში მაჟორიტარ კანდიდატებს წარადგენს.

პარტია/ საარჩევნო ბლოკი ვალდებულია მაჟორიტარი კანდიდატის სარეგისტრაციო დოკუმენტაცია წარუდგინოს ცესკოს

5. ამომრჩეველთა საინიციატივო ჯგუფის მიერ წარდგენილ საქართველოს პარლამენტის წევრობის კანდიდატს განკარგულებით რეგისტრაციაში ატარებს შესაბამისი საოლქო საარჩევნო კომისიის თავმჯდომარე.

6. ცესკო თავის ოფიციალურ ვებგვერდზე აქვეყნებს რეგისტრირებული პარტიების/საარჩევნო ბლოკების სიას განცხადებების წარდგენის რიგის მიხედვით,აგრეთვე იმ პარტიების/საარჩევნო ბლოკების სიას, რომელთაც უარი ეთქვათ რეგისტრაციაზე ან რომელთა რეგისტრაციაც გაუქმდა, და ამის მიზეზებს.

7. ცესკო აცხადებს სხვა სახელმწიფოში შექმნილი საუბნო საარჩევნო კომისიის წევრების შესარჩევ კონკურსს.

8. თუ საუბნო საარჩევნო კომისიის შემადგენლობაში დადგენილ რაოდენობაზე ნაკლები წევრი აღმოჩნდა, ზემდგომ საოლქო საარჩევნო კომისიას უფლება აქვს დღის ვადაში აირჩიოს საუბნო საარჩევნო კომისიის წევრები კონკურსში მონაწილე კანდიდატთაგან ან ხელახლა გამოცხადებული კონკურსის საფუძველზე, რომელსაც საჭიროების შემთხვევაში იმავე დღესვე აცხადებს საოლქო საარჩევნო კომისია.

[sknews.ge]