ახალციხის მერობა ხუთ კანდიდატს სურს

მერობის მსურველებისთვის შესაბამის საოლქო საარჩევნო კომისიაში საბუთების წარდგენის ვადა ამოიწურა. 9 სექტემბრიდან არჩევნებში მონაწილეობის მსურველებს დარეგისტრირება აღარ შეუძლიათ.

შესაბამისად, უკვე ცნობილია იმ პირების ვინაობა, რომლებმაც მერობის კანდიდატობისათვის საოლქო საარჩევნო კომისიაში დოკუმენტები შეიტანეს. მათი ნაწილი უკვე დარეგისტრირებულია, ნაწილის საბუთებს კი #37–ე ახალციხის საოლქო საარჩევნო კომისიის თავმჯდომარე განიხილავს.

ამ დროისათვის, მერობის დარეგისტრირებული კანდიდატები არიან:

1. ირაკლი ერეკლიშვილი – ბლოკი "ერთიანი ნაციონალური მოძრაობა“;
2. ჯუმბერ ინასარიძე – პარტია "ეროვნული ფორუმი“.

საოლქო საარჩევნო კომისიის თავმჯდომარე განიხილავს შემდეგი კანდიდატების დოკუმენტებს:

3. ივანე გვარამაძე – "პაატა ბურჭულაძე – სახელმწიფო ხალხისთვის“;
4. ბესიკ ტაბატაძე – "საქართველოს პატრიოტთა ალიანსი“;
5. ვლადიმერ ზედგინიძე – პარტია "ქართული ოცნება“.

როგორც N37–ე ახალციხის საოლქო საარჩევნო კომისიაში განმარტავენ, თუ მერობის კანდიდატთა დოკუმენტაცია სრულყოფილი იქნება, მათ დარეგისტრირება უპრობლემოდ შეეძლებათ.

შეგახსენებთ, რომ ახალციხის მერის რიგგარეშე არჩევნები 8 ოქტომბერს, საპარლამენტო არჩევნებთან ერთად გაიმართება.

[თაკო ფეიქრიშვილი, ახალციხე]