„პატრიოტთა ალიანსიდან“ ახალციხე–ადიგენში კენჭს ნიკოლოზ ინასარიძე იყრის

„პატრიოტთა ალიანსში“ გადაწყვეტილება იმის შესახებ თუ ვინ იყრის კენჭს ახალციხე–ადიგენის მაჟორიტარულ ოლქში უკვე მიიღეს. როგორც ცენტრალური შტაბის უფროსი გოჩა თევდორაძე აცხადებს, კუბლაშვილის ნაცვლად ხმების მოპოვებას აქ ნიკო ენასარიძე ეცდება.

„ნიკოს აქვს საკანონმდებლო ორგანოში მუშაობის გამოცდილება. იყო ერთ–ერთი კომიტეტის წევრიც. ასევე მუშაობდა ადგილობრივ თვითმმართველობაშიც. ახალციხის მკივდრია, სუფთა წარსული აქვს და ამიტომ მასზე შევაჩერეთ არჩევანი“, – აცხადებს თევდორაძე.

შეგახსენებთ, რომ "პატრიოტთა ალიანსი – გაერთიანებული ოპოზიციის“ მაჟორიტარი დეპუტატების კანდიდატად გოდერძი კუბლაშვილი 8 აგვისტოს პარტიის ლიდერებმა წარადგინეს. ბრიფინგი 14:00 საათზე პარტიის ცენტრალურ ოფისში, კინოს სახლში გაიმართა.

კუბლაშვილის კანდიდატურის მოხსნაზე პარტიაში მას შემდეგ დაფიქრდნენ, რაც მან ცენტრალურ შტაბთან შეუთანხმებლად არა ერთი პრესკონფერენცია გამართა და საკუთარი გუნდის წევრებს დაუპირისპირდა.

[თამუნა უჩიძე, ახალციხე]