უბნებზე პარტიების წარმომადგენელთა დანიშვნის ვადა იწურება

საუბნო საარჩევნო კომისიის წევრთა დანიშვნისათვის, პოლიტიკურმა პარტიებმა საკუთარი გადაწყვეტილება, შესაბამის საოლქო საარჩევნო კომისიებს 29 აგვისტოს დღის ბოლომდე უნდა აცნობონ. საოლქო კომისიისთვის მიწოდებული ინფორმაცია, კონკრეტულ უბანზე კონკრეტული პიროვნების დანიშვნის შესახებ გადაწყვეტილებას უნდა მოიცავდეს.

საარჩევნო კანონმდებლობის მიხედვით, უფლებამოსილ პარტიებს შესაძლებლობა აქვთ საუბნო კომისიის წევრად დანიშნონ საქართველოს ქმედითუნარიანი მოქალაქე18 წლის ასაკიდან.

მას შემდეგ, რაც პოლიტიკური პატრიების მიერ მიწოდებული ინფორმაციის შესაბამისად, საოლქო საარჩევნო კომისია, უბნებზე წარმომადგენლებს დანიშნავს, საარჩევნო უბნები საბოლოოდ დაკომპლექტდება. უბნებზე კომისიის წევრთა პირველი სხდომები კი 8 სექტემბერს გაიმართება.

საბოლოოდ, საუბნო საარჩევნო კომისიის შემადგენლობა, თითოეულ უბანზე 13 წევრით, ცესკოს ვებ–გვერდზე, 10 სექტემბრამდე გამოქვეყნდება.

[თაკო ფეიქრიშვილი, ახალციხე]