N37-ე ახალციხის საარჩევნო ოლქში, 35 უბნიდან 8 უბანზე კომისია ვერ დაკომპლექტდა

N37-ე ახალციხის საოლქო საარჩევნო კომისიის თავმჯდომარის თეა გავაშელის თქმით, საოლქო კომისიამ წევრები ყველა უბანზე შეარჩია თუმცა, 8 უბანში წევრები ჯერ არ ჰყავთ პარტიებს.

“გაორება მოხდა, ორ უბანზე ერთი და იგივე წევრები იყვნენ. პარტიებს უკვე ვაცნობეთ. ვიმედოვნებ, რომ კომისიის წევრებს შეცვლიან, თუ არა და მაშინ ამ უბნებზე კომისიის წევრებს საოლქო შეარჩევს“,- ამბობს იგი.

შეგახსენებთ, რომ N37-ე ახალციხის საარჩევნო ოლქში საუბნო კომისიის წევრობისთვის რეგისტრაცია 377-მა მოქალაქემ გაიარა. საოლქო საარჩევნო კომისიებმა 35 უბნისთვის 210 წევრი შეარჩიეს. წევრების შერჩევა 30 აპრილს დასრულდა. პარალელურად, საარჩევნო უბნებზე წევრები შეარჩიეს არჩევნებში მონაწილე კვალიფიციურმა სუბიექტებმა.

[მანანა სარაშვილი, ახალციხე]