ცესკომ შუალედური არჩევნები დანიშნა

შეგახსენებთ, დღეს საქართველოს პრეზიდენტმა მერისა და თვითმმართველი თემის გამგებლების რიგგარეშე არჩევნებიც დანიშნა, რომელიც ქალაქ ახალციხის, ბოლნისის, ხარაგაულის, ჭიათურის, ზუგდიდისა და წალენჯიხის საარჩევნო ოლქებში ჩატარდება.

როგორც ცესკო-ს პრესსპიკერმა ანა მიქელაძემ დღეს გამართულ პრესკონფერენციაზე განაცხადა, დღევანდელ სხდომაზე ცესკომ დაამტკიცა საარჩევნო ღონისძიებათა გრაფიკები ორივე ზემოთ აღნიშნული არჩევნებისთვის.

მისივე განმარტებით, საკრებულოს შუალედური, ასევე მერის და თვითმმართველი თემის გამგებლების რიგგარეშე არჩევნების დანიშვნა ყველა საარჩევნო ოლქში საკრებულოს მაჟორიტარი დეპუტატებისთვის, მერისა და გამგებლებისთვის უფლებამოსილების ვადამდე შეწყვეტის გამო მოხდა.

„საერთო ჯამში, საკრებულოს შუალედური არჩევნები ჩატარდება 7 ადგილობრივი საარჩევნო ოლქის 106 საარჩევნო უბანზე, ხოლო მერის და თვითმმართველი თემის გამგებლების რიგგარეშე არჩევნები ჩატარდება 263 საარჩევნო უბანზე“, - განაცხადა ანა მიქელაძემ.

[sknews.ge]