ხვალ, 19 მაისს საქართველოში შუალედური და რიგგარეშე არჩევნები გაიმართება

N38 ადიგენის საარჩევნო ოლქის თავმჯდომარის, ჯაბა მაჭარაშვილის განცხადებით, არჩევნების ჩასატარებლად, N2 აბასთუმნის საარჩევნო უბანი მზადარის. უბანს უკვე გადაეცა ბიულეტენებიც–„უბანს აქვს ყველა საჭირო ინვენტარი იმისათვის, რომ ხვალ, დილის 07:00 საათიდან დაიწყონ მუშაობა“.

ჯაბა მაჭარაშვილის თქმით, საარჩევნო უბანზე 1 000 ბიულეტენი გაიცა.

„სულ სიაში 1 124 ამომრჩეველია, თუმცა აქედან არიან ადამიანები ვინც საქართველოში არ იმყოფებიან და ვერ მიიღებენ მონაწილეობას, ის რაოდენობა კი რაც ჩამოვიტანეთ საკმარისია“,–განმარტავს ჯაბა მაჭარაშვილი.

N2 აბასთუმნის საარჩევნო უბანზე სპეცსიები არ იქნება, გადასატანი ყუთის საშუალებით კი 33 ადამიანი გააკეთებს არჩევანს.

აბასთუმნის შუალედურ არჩევნებში, საკრებულოში მოსახვედრად კენჭს ცხრა კანდიდატი იყრის.

2019 წლის 19 მაისს საკრებულოს შუალედური არჩევნები ქვეყნის მასშტაბით რვა: საგარეჯოს, ახმეტის, ადიგენის, ზესტაფონის, ჭიათურის, ტყიბულის, წყალტუბოსა და ოზურგეთის მუნიციპალიტეტების მაჟორიტარულ საარჩევნო ოლქებში გაიმართება გაიმართება. აქ, ჯამში 26 საარჩევნო უბანი გაიხსნება. ასევე მერის რიგგარეშე არჩევნები გაიმარტება: მარნეულში, ზესტაფონში, ჭიათურაში, ზუგდიდისა და ხულოში. არჩევნები 362 საარჩევნო უბანზე ჩატარდება.ასევე გაიმართება მაჟორიტარული საარჩევნო სისტემით №1 მაჟორიტარულ საარჩევნო ოლქში საქართველოს პარლამენტის შუალედური არჩევნები. პარლამენტისა და საკრებულოების შუალედური და მერების რიგგარეშე არჩევნები 19 მაისს საერთო ჯამში 410 საარჩევნო უბანზე გაიმართება, სადაც 401 750 ამომრჩეველია რეგისტრირებული.

[ლუბა გიორგაძე, ადიგენი]