რიგგარეშე არჩევნების პროცედურებს ცესკო დღეს დაამტკიცებს

ცესკოში სხდომა 16:00 საათზე დაიწყო.

დღეს განსახილველ საკითხებს შორისაა,

საქართველოს პარლამენტის საერთო და ადგილობრივი თვითმმართველობის წარმომადგენლობითი და აღმასრულებელი ორგანოების რიგგარეშე/შუალედური არჩევნების ერთდროულად გამართვის შემთხვევაში საარჩევნო პროცედურების განსაზღვრა;

თვითმმართველი ქალაქის - ახალციხის მერისა და თვითმმართველი თემების – ბოლნისის, ხარაგაულის, ჭიათურის, ზუგდიდისა და წალენჯიხის მუნიციპალიტეტების გამგებლების 2016 წლის 8 ოქტომბრის რიგგარეშე არჩევნების საარჩევნო ღონისძიებათა გრაფიკის დამტკიცება;

დღესვე დადგინდება თვითმმართველი ქალაქის - ახალციხის მერისა და თვითმმართველი თემების – ბოლნისის, ხარაგაულის, ჭიათურის, ზუგდიდისა და წალენჯიხის მუნიციპალიტეტების გამგებლების რიგგარეშე 2016 წლის 8 ოქტომბრის არჩევნებისათვის საინიციატივო ჯგუფის მიერ მერობის/გამგებლობის კანდიდატის წარსადგენად საჭირო მხარდამჭერთა ხელმოწერების მინიმალური ოდენობა;

საქართველოს პრეზიდენტმა ბოლნისის, ზუგდიდის, წალენჯიხის, ჭიათურისა და ხარაგაულის მუნიციპალიტეტების გამგებლებისა და ქალაქ ახალციხის მუნიციპალიტეტის მერის რიგგარეშე არჩევნები 8 ოქტომბერს დანიშნა. შესაბამისი განკარგულება გიორგი მარგველაშვილმა დღეს გამოსცა.

[sknews.ge]