ხვალ გაირკვევა, იქნება თუ არა ახალციხის მერის არჩევნებიც 8 ოქტომბერს

თუ საკრებულოს შუალედური და მერისა და გამგებლების რიგგარეშე არჩევნების ჩატარებაც საპარლამეტო არჩევნებთან ერთად, 8 ოქტომბერს იგეგმება, შესაბამისმა უწყებებმა ეს არჩევნები ხვალ, 19 აგვისტოს უნდა დანიშნონ.

კოკრეტულად, საკრებულოების შუალედური არჩევნებს ნიშნავს საქართველოს ცენტრალური საარჩევნო კომისია, ხოლო, გამგებლებისა და მერების რიგგარეშე არჩევნებს საქართველოს პრეზიდენტი.

რიგგარეშე არჩევნებს იწვევს ის ფაქტი, რომ პარტია "ქართულმა ოცნებამ" რიგ მაჟორიტარულ ოლქებში კანდიდატებად მოქმედი მერები, გამგებლები და საკრებულოს წევრები წარადგინა.

სამცხე–ჯავახეთში რიგგარეშე არჩევნები მხოლოდ ახალციხეში უნდა ჩატარდეს, ვინაიდან, "ქართული ოცნების" მაჟორიტარობის კანდიდატი ახალციხე–ადიგენის საარჩევნო ოლქში, ახალციხის ყოფილი მერი გიორგი კოპაძეა.

ახალციხის მერის მსგავსად, უფლებამოსილება ვადამდე ადრე შეუწყდათ ჭიათურის, ბოლნისის, ხარაგაულის, ზუგდიდისა და წალენჯიხის მუნიციპალიტეტების გამგებლებს.

რაც შეეხება საკრებულოებს, კანდიდატად წარდგენილია ზუგდიდის საკრებულოს თავმჯდომარე და თბილისის საკრებულოს სამი წევრი.

[sknews.ge]