ბესიკ ხითარიშვილი: ‘სასიცოცხლოდ მნიშვნელოვანია მეზობელ ქვეყნასთან ურთიერთობის დალაგება’

მაჟორიტარი დეპუტატობის კანდიდატად პარტიიდან წარდგენილი ჯერ არ არის, თუმცა წინასაარჩევნო კამპანია უკვე დაიწყო.

ხითარიშვილის თქმით, პარტიის საარჩევნო პროგრამის პრეზენტაცია ჯერ არ ყოფილა, ამიტომ მთავრ პრიორიტეტებზე საუბრისაგან თავს იკავებს. თუმცა, ყურადღებას ადიგენსა და ახალციხეში დასაქმების პრობლემაზე ამახვილებს. ამბობს, რომ მისი ერთ–ერთი პრიორიტეტი სამუშაო ადგილების შექმნა იქნება.

„სახელმწიფომ უნდა შექმნას ბიზნესის განვითარებისთვის ყველაფერი, რათა სამუშაო ადგილები შეიქმნას“, - გვეუბნება ხითარიშვილი და ამატებს, რომ მხოლოდ საჯარო სამსახურში ადამიანების დასაქმება პრობლემის მოგვარებას არ ნიშნავს.

რაც შეეხება ქვეყნის საგარეო კურსს, ბესიკ ხითრიშვილი ამბობს, რომ საქართველომ მეზობელ ქვეყანასთან დამოკიდებულება უნდა მოაწესრიგოს: „საქართველოსთივის აუცილებელია უბლოკო სტატუსი, ქვეყნისთვის სასიცოცხლოდ მნიშვნელოვანია მეზობელ ქვეყნასთან ურთიერთობის დალაგება, რადგან ჩვენი პროდუქტისათვის პერსპექტიული რუსული ბაზარია. ევროპის ბაზრამდე საქართველოს ჯერ დიდი გზა აქვს გასავლელი“.

ხითარიშვილი ამბობს, რომ სახელმწიფომ ევროპაზე უარი არ უნდა თქვას თუმცა ხედვა უნდა შეიცვალოს: „ჩვენ არ ვამბობთ, არა ევროპას. საქართველოს მუდმივად უჩიჩინებენ ნატო-ნატო, მაგრამ 26 წელი გავიდა და არავინ გაგვაკარა, უფრო უკან-უკან მივდივართ“.

[ლუბა გიორგაძე, ახალციხე]