პარტიამ „ჩვენი სამშობლო“ ახალციხე-ადიგენში დეპუტატობის კანდიდატი წარადგინა

ახალციხე–ადიგენის მაჟორიტარი დეპუტატობის კანდიდატად ტარიელ ხაჩიძე „ჩვენი სამშობლოს“ ერთ-ერთმა ლიდერმა ტრისტან წითელაშვილმა პარტიის ოფისის ეზოში წარადგინა.

ხაჩიძე 2012 წლიდან „ქართულ ოცნებაში“ იყო, ბოლო ერთი წლის განმავლობაში კი „ჩვენი სამშობლოს“ რეგიონული კოორდინატორის თანამდებობაზე მუშაობდა.

იგი ამომრჩევლებს, რუსეთთან ურთიერთობის მოგვარებას ჰპირდება: „„ჩვენი ძირითადი პრიორიტეტია გავხსნათ რუსეთის საზღვრები და ახალციხელებსა თუ ადიგენელებს მივცეთ საშუალება, თავიანითი პროდუქტი რუსეთის ბაზარზე გაიტანონ“, - ამბობს ხაჩიძე და ამატებს – „რად გვინდა ნატო, მერე თურქული ჯარები რომ შემოგვიყვანონ?!“

ხაჩიძე ახალციხის მკივდია, თუმცა ფიქრობს, რომ ადიგენშიც კარგად იცნობენ და ამიტომ მხარს ორივე მუნიციპალიტეტში დაუჭერენ.



„ჩვენმა სამშობლომ“ სამცხე-ჯავახეთში მაჟორიტარი დეპუტატობის კანდიდატი მხოლოდ ახალციხე-ადიგენის ოლქში დაასახელა, რაც შეეხება ასპინძა-ბორჯომსა და ახალქალაქი-ნინოწმინდის ოლქებს პარტიაში ამბობენ, რომ კანდიდატებზე ჯერ ჩამოყალიბებული არ არიან.

პარტია „ჩვენი სამშობლოს“ საარჩევნო ნომერი, 2016 წლის 8 ოქტომბრის საპარლამენტო არჩევნებზე 19 იქნება.

შეგახსენებთ, რომ სამცხე-ჯავახეთის სამივე ოლქში 5 სექტემბრის მდგომარეობით 19 მაჟორიტარი დეპუტატობის კანდიდატია წარდგენილი, აქედან 3 საინიციატივო ჯგუფებმა დაასახელეს, დანარჩენი ექვსი კი პოლიტიკურმა პარტიებმა.



[ლუბა გიორგაძე, ახალციხე]