ბესიკ ხითარიშვილი: მოსახლეობის ალბათ 90 პროცენტი დაუსაქმებელია

ახალციხის მუნიციპალიტეტის გამგებლის მოვალეობის შემსრულებლის ბესიკ ხითარიშვილის თქმით, დასაქმების მოთხოვნით მოსახლეობა ყოველდღიურად აკითხვას.

”საკმაოდ ბევრი განცხადებები შემოდის, რადგან ადგილობრივი მოსახლეობის ალბათ 90 პროცენტი დაუსაქმებელია. ერთის მხრივ, ცუდია, რომ ამდენი ადამიანი დაუსაქმებელია, მეორეს მხრივ, ხალხს იმედი გაუჩნდა. მაგრამ, ამ ეტაპზე სახელმწიფო დაწესებულებაში სულ 120-მდე შტატია, რომელიც უკვე შევსებულია”, - განმარტავს ხითარიშვილი.

მისივე თქმით, მოსახლეობის ნაწილი დასაქმებას ნებისმიერ სამსახურში, ნაწილი კი პროფესიის მიხედვით ითხოვს. ხითარიშვილი ამბობს, რომ ამ შემთხვევაში სახელმწიფო ვერავის დაასაქმებს, თუ კონკრეტულ ვაკანსიაზე კონკურსი არ გამოცხადდა.

”მე მხოლოდ აღრიცხვაზე ამყავს, სპეციალობების მიხედვით. როცა კონკრეტულ თანამდებობეზე გამოცხადდება ვაკანსია სხვადასხვა სამსახურებში, იქნება ღია კონკურსი, მიიღებენ მონაწილეობას და ვინც გაიმარჯვებს, შესაბამისად, დაინიშნება კონკრეტულ თანამდებობაზე”, - ამბობს გამგებლის მოვალეობის შემსრულებელი და ამატებს, რომ ყველა განცხადებას, რომელიც მუნიციპალიტეტის გამგეობაში შევა, შესაბამისი პასუხი გაეცემა.

[თამარ თოთაძე, ახალციხე]