ყოფილი გამგებელი მაჟორიტარობის კანდიდატად

მაჟორიტარი დეპუტატობის კანდიდატად ხითარიშვილი ჯერ ოფიციალურად არ წარუდგენიათ, თუმცა წინასაარჩევნო კამპანია უკვე დაიწყო.

ბესიკ ხითრიშვილი კონკურეტი კანდიდატების საარჩვენო გეგმებს კარგად არ იცნობს, ამიტომ ამაზე საუბრისაგან თავს იკავებს. თავად პიროვნებებს კი ღირსეული კანდიდატებად მიიჩნევს და ფიქრობს, რომ ამომრჩევლის გული მათი ლანძღვით კი არა, უკეთესი საარჩევნო გეგმის წარდგენით უნდა მოიგოს.

„თავისთავად ცხადია, სახელისუფლებო გუნდის კანდიდატი მაქსიმალურად შეეცდება ადმინისტრაციული რესურსის გამოყენებას, დანარჩენები კი თავიანთი პროგრამით შეეცდებიან ხმების მოპოვებას. მე ერთი რამ ვიცი, რომ მოწინააღმდეგე ღირსეულად უნდა შეაფასო“, -ამბობს ბესიკ ხითარიშვილი და ამატებს, რომ წინასაარჩევნო გარემო კონკურენტული და დაძაბული იქნება.

ბესიკ ხითარიშვილი 2012-2013 წლებში, სამი თვის განმავლობაში, ახალციხის მუნიციპალიტეტის გამგებლის მოვალეობის შემსრულებლად მუშაობდა. პოსტის დატოვების შემდეგ „გაერთიანებულ დემოკრატიულ მოძრაობას შეუერთდა.

შეგახსენებთ, რომ სამცხე-ჯავახეთში 2016 წლის საპარლამენტო არჩევნებისთვის მაჟორიტარი დეპუტატობის კანდიდატები სამმა პოლიტიკურმა პარტიამ „ქართულმა ოცნებამ“, „ნაციონალურმა მოძრაობამ“ და „პატრიოტთა ალიანსმა“ დაასახელა.

კონკრეტულად ახალციხე – ადიგენის საარჩევნო ოლქში მაჟორიტარობის 5 კანდიდატია:

1. გიორგი კოპაძე –„ქართული ოცნება“;
2. ვაჟა ჩიტაშვილი – „ერთიანი ნაციონალური მოძრაობა“;
3. გოდერძი კუბლაშვილი – „პატრიოტთა ალიანსი“;
4. ბესიკ ხითარიშვილი – "გაერთიანებული დემოკრატიული მოძრაობა";
5. ნუგზარ პარუნაშვილი – დამოუკიდებელი კანდიდატი.

[ლუბა გიორგაძე, ახალციხე]