დეპუტატი საკრებულოს სხდომას 'ოცნების' მაისურით დაესწრო

ფოტო: ბორჯომის მუნიციპალიტეტის საკრებულო

რიგგარეშე სხდომა 5 აგვისტოს, ბორჯომის მუნიციპალიტეტის საკრებულოში გაიმართა. სხდომა ბორჯომში მომხდრი სტიქიის გამო დინიშნა.

იურისტების განმარტებით, ფოფხაძემ საარჩევნო კოდექსის 49–ე მუხლის 1–ლი ნაწილის გ) ქვეპუნქტი დაარღვია, რაც სამსახურებრივი ფუნქციების შესრულებისას წინასაარჩევნო აგიტაციის გაწევას ეხება.

„წინასაარჩევნო აგიტაციაში მონაწილეობის უფლების მქონე პირს, რომელსაც სახელმწიფო ხელისუფლების ან ადგილობრივი ხელისუფლების ორგანოში უკავია თანამდებობა, ეკრძალება რომელიმე პოლიტიკური პარტიის, საარჩევნო სუბიექტობის კანდიდატის, საარჩევნო სუბიექტის მხარდასაჭერად ან საწინააღმდეგოდ წინასაარჩევნო აგიტაციისა და კამპანიის წარმოების პროცესში თავისი თანამდებობრივი ან სამსახურებრივი მდგომარეობის გამოყენება. ასე რომ ეს დარღვევაა“, – განმარტა „სამხრეთის კარიბჭესთან“ „ახალგაზრდა იურისტთა ასოციაციის“ საარჩევნო პროექტების კოორდინატორმა ირმა პავლიაშვილმა.

პავლიაშვილს ეთანხმება „სამართლიანი არჩევნების“ შიდა ქართლისა და სამცხე–ჯავახეთის რეგიონული კოორდინატორი ნინო ბიბილეიშვილი: „როგორც საკრებულოს წევრს აგიტაციის უფლება სამუშაო საათებშიც აქვს, მაგრამ მუნიციპალიტეტის შენობაში ეს იკრძალება. რადგან ფოფხაძეს პარტიის ლოგოთი მაისური აცვია, ეს წინასაარჩევნო აგიტაციად ითვლება“.

„სამხრეთის კარიბჭე“ ბესიკ ფოფხაძეს ვერ დაუკავშირდა.


ფოტო: ბორჯომის მუნიციპალიტეტის საკრებულო

[თამუნა უჩიძე, ბორჯომი]