FM97.5 / LIVE

ვარხნის საუბნო საარჩევნო კომისიის თავმჯდომარე ‘ოცნების’ კანდიდატის წინასაარჩევნო შეხვედრაზე

მთავარისიახლე, არჩევნები - 2020 09.10.2020
ადიგენში, ვარხნის საუბნო საარჩევნო კომისიის თავმჯდომარე, რუსუდან ხობიაშვილი „ქართული ოცნების“ მაჟორიტარი დეპუტატობის კანდიდატის წინასაარჩევნო შეხვედრაზე იმყოფებოდა. იურისტები საარჩევნო კოდექსის დარღვევაზე საუბრობენ, თავად კომისიის თავმჯდომარე ამბობს, რომ შეხვედრას არ ესწრებოდა და იქ მხოლოდ რამდენიმე წუთით შეჩერდა.

ვარხნის საუბნო საარჩევნო კომისიის თავმჯდომარე ‘ოცნების’ კანდიდატის წინასაარჩევნო შეხვედრაზე

ხობიაშვილი მმართველი პარტიის შეხვედრაზე 4 ოქტომბერს, კვირას იმყოფებოდა. შეხვედრის ამსახველი ფოტოები მაჟორიტარი დეპუტატობის კანდიდატის ფეისბუკის გვერდზე დადეს, თუმცა შემდეგ წაშალეს.

„არ ვესწრებოდი შეხვედრას. მე სკოლის დირექტორიც ვარ და უბნის თავმჯდომარეც. სკოლაში მიმდინარეობს მშენებლობა იქ ვიყავი საქმეზე, შემდეგ გამოვბრუნდი და უბანზე რომ მივსულიყავი, ის ადგილი უნდა გამევლო, სადაც შეხვედრა მიმდინარეობდა. ჩემი მასწავლებლები ესწრებოდნენ შეხვედრას, კვირა დღეს შეეძლოთ მათ მანდ მისვლა და უბრალოდ გამოველაპარაკე. სავარაუდოდ მაგ დროს მოვხვდი კადრში“ - განმარტა ხობიაშვილმა.

რედაქციის ინფორმაციით, იგი დაბა ადიგენში სკოლის დირექტორების ობოლაშვილთან შეხვედრასაც ესწრებოდა, თუმცა ხობიაშვილმა ეს ფაქტიც უარყო.

„მე ოფიციალურ შეხვედრაზე არ ვიყავი. იქაც ორი წუთით მოვიკითხე როგორც ახლობელი და გამოვიარე და წამოვედი. ახლობლობა და ნათესაობა დანაშაულად თუ ითვლება არ ვიცი....აქ ადმინისტრაციულ გადაცდომას არ აქვს ადგილი“ - ამბობს ვარხნის საუბნო საარჩევნო კომისიის თავმჯდომარე.

„საერთაშორისო გამჭვირვალობა საქართველოს“ იურისტის, გიგი ჩიხლაძის თქმით, საუბნო საარჩევნო კომისიის თავმჯდომარის შეხვედრაზე ყოფნა საარჩევნო კოდექსის 45 მუხლის მეოთხე ნაწილის დარღვევაა, რომლის მიხედვითაც, საარჩევნო კომისიის წევრს წინასაარჩევნო აგიტაციის გაწევის და აგიტაციაში მონაწილეობის უფლება არ აქვს.

„მე ვთვლი რომ ეს არის დარღვევა. ცხადია დეტალებს აქვს მნიშვნელობა, ესწრებოდა ეს ქალი შეხვედრას თუ უბრალოდ ჩაიარა. როდესაც საარჩევნო შეხვედრაზეა საუბარი, ძალიან რთულია იმის დასაბუთება საარჩევნო კომისიის წევრს, რომელსაც ყველა გამონაკლისის გარეშე ეკრძალება აგიტაციაში მონაწილეობა, რას უნდა აკეთებდეს ამ დროს ამ შეხვედრაზე. ფაქტია რომ თქვენ, მე და უამრავმა სხვა ადამიანმა აღვიქვით რომ ეს არ იყო მთლად ნორმალური ქცევა. ჩემთვის და სადამკვირვებლო ორგანიზაციების დიდი ნაწილისთვის დასწრება ნიშნავს აგიტაციას“ - განმარტა ჩიხლაძემ.

იურისტების განცხადებით, საარჩევნო კოდექსის დარღვევის ფაქტზე საჩივარი ადიგენის ოლქში უნდა შევიდეს, სადაც სამართალდარღვევის აქტი შედგება და სასამართლოს ეგზავნება.

დაიწერა თუ არა საჩივარი, ამ ეტაპზე უცნობია, "სამხრეთის კარიბჭე" ადიგენის საოლქო საარჩევნო კომისიის თავმჯდომარეს, ჯაბა მაჭარაშვილს დაუკავშირდა, გუშინ, 8 ოქტომბერს განაცხადა, რომ ტრენინგზე იმყოფებოდა და პასუხს ვერ გაგვცემდა, დღეს კი ჩვენს სატელეფნო ზარებს არ უპასუხა.

[მარიამ ბარძიმაძე]


24.10.2020 პროექტი 'ევროპული სწავლების სამკუთხედი' ახალციხის სკოლებში

23.10.2020 ახალციხის 9 ბაღში სწავლა 4 დღით შეწყდება

22.10.2020 კორონავირუსის გამო ახალქალაქის 2 სკოლაში დისტანციურად სწავლობენ

22.10.2020 კორონავირუსის გამო ნინოწმინდის 4 სკოლაში დისტანციურად სწავლობენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

26.10.2020 ‘ენზელ მკოიანის აქტივისტმა დამარტყა’ – სამველ მანუკიანი ახალქალაქში მომხდარ ინციდენტზე

26.10.2020 ‘გადაუხდელობის გამო, ბუნებრივი აირის მიწოდება არ შეწყდება’ – ‘ინტერგაზი’

25.10.2020 ბორჯომ–ხარაგაულის ეროვნული პარკი „Welcome To Georgia“– ს დაჯილდოებაზეა ნომინირებული

24.10.2020 სამცხე–ჯავახეთში უქმე დღეებში თბილი და მზიანი ამინდია მოსალოდნელი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

21.10.2020 SKამბები: მოხუცების სოფელი [აუდიო]

14.10.2020 SKამბები: აბასთუმანი – ხაბაზთუმანი [აუდიო]

10.10.2020 როცა ბუნების გესმის – მეტყევე ძმები ბორჯომიდან [ვიდეო]

07.10.2020 SKამბები: წნისი თუ წინისი [აუდიო]

მსგავს თემაზე

ახალციხის საოლქო საარჩევნო კომისიის წევრი ‘ქართული ოცნების’ სააგიტაციო შეხვედრებს ესწრება
მესხეთში საუბნო საარჩევნო კომისიის წევრები აირჩიეს
ახალციხის ოლქში საუბნო კომისია დასაკომპლექტებელი 1 უბანზე დარჩა
N37-ე ახალციხის საარჩევნო ოლქში, 35 უბნიდან 8 უბანზე კომისია ვერ დაკომპლექტდა
ახალციხეში საუბნო საარჩევნო კომისიების პირველი სხდომები გაიმართა
საოლქო კომისია  377 მსურველიდან 210 წევრს შეარჩევს
ახალციხეში N21 სხვილისის საარჩევნო უბანზე საჩივარი დაიწერა