ბორჯომში კრიზისების მართვის საბჭოს ხელმძღვანელს ელოდებიან

ბორჯომის მუნიციპალიტეტის გამგეობაში განმარტავენ, რომ ამ წუთებში ბორჯომის ყველა სამსახური გამგეობის შენობაში იკრიბება.

შეგახსენებთ, დღეს საღამოს, ბორჯომში, რამდენიმე საათის განმავლობაში გადაუღებლად წვიმდა, იყო სეტყაც. უხვი ნალექის გამო, დაიტბორა ბორჯომის ქუჩები, გზებზე შეიქმნა საცობები, წყალი შევარდა პირველ სართულებზე ადგილობრივ მცხოვრებლებთან და კერძო ობიექტებში.

ე.წ. გოგირდის აბანოებში 20–მდე ადამიანი ჩარჩა, რომლებიც სამაშველო სამსახურმა გამოიყვანა.

სამცხე–ჯავახეთის გუბერნატორის განცხადებით, ბორჯომის პარკი სტიქიამ მთლიანად გაანადგურა.

ძლიერმა წვიმამ და ქარმა წაღვერის გზაზე ხეები მოტეხა, რის გამოც მოძრაობა შეფერხდა. ძლიერმა ნიაღვარმა და მოტეხილმა ხეებმა თბილისი–ბორჯომის ცენტრალურ მაგისტრალიც ჩაკეტა, სადაც ასევე შეფერხებული იყო მოძრაობა ნახევარი საათის განმავლობაში.

ქარიშხალი და სეტყვა იყო ცემშიც.

[sknews.ge]