ბორჯომში გოგირდის აბანოებში ჩარჩენილი ადამიანები გამოიყვანეს

ბორჯომში ძლიერი სტიქიის შემდეგ, პარკიდან დაახლოებთ 2 კილომეტრის მოშორებით გოგირდის აბანოებში ჩარჩენილი 20 კაცი შველას ითხოვდა.

როგორც „სამხრეთს კარიბჭესთან“ საგანგებო სიტუაციების მართვის სამსახურში განაცხადეს ამ დროისთვის ყველა მათგანი გამოყვანილია და მათ სიცოცხლეს საფრთხე არ ემქურება.

შეგახსენებთ, ახალციხის შემდეგ, დღეს, 4 აგვისტოს, სტიქიამ ბორჯომს შეუტია. ძლიერი წვიმა და სეტყვა ბორჯომში საღამოს დაიწყო. წვიმისგან მოვარდნილი ნიაღვრებისგან დაიტბორა ქუჩები, ქარისგან დაზიანდა ელექტროგადამცემი ხაზები. როგორც თბილისისკენ მიმავალი ახალციხელები ამბობენ "სამხრეთის კარიბჭესთან",დატბორილი გზის გამო თბილისი–ახალციხის მაგისტრალზე საცობები იყო. ბორჯომში შუქი ამ დრომდე არაა. ქალაქში სამაშველო სამსახური მუშაობს.სეტყვა და ქარიშხალი იყო დღეს ცემშიც.

სტიქიამ ბორჯომ–ბაკურიანის მიმართულებთ გზის ნაწილი ჩაკეტა. ძლიერმა წვიმამ და ქარმა წაღვერის გზაზე ხეები მოტეხა, რის გამოც ამ დროსთვის მოძრაობა შეფერხებულია.

[sknews.ge]