NDI: ბოლო 5 წელიწადში ყველაზე მნიშვნელოვანი საკითხების ხუთეული არ შეცვლილა

ყველაზე მნიშვნელოვან ეროვნულ საკითხებს შორის გამოკითხულთა უმრავლესობა სამუშაო ადგილებს (56%), სიღარიბეს (29%), ტერიტორიულ მთლიანობას (28%), ფასების ზრდა/ინფლაციასა (26%) და პენსიებს (25%)მიიჩნევს.

ამ ხუთი საკითხიდან, უმცირესობათა დასახლებებში ყველაზე მეტად სიღარიბე და ფასების ზრდა აწუხებთ. კერძოდ, 66%–სთვის მნიშვნელოვანია სამუშაო ადგილები, 45% მიიჩნევს, რომ ყველაზე მნიშვნელოვან საკიტხებს შორისაა სიღარიბე, 43% საუბრობს ფასების ზრდასა და ინფლაციაზე.



კვლევის თანახმად, სამუშაო ადგილები ყველაზე მნიშვნელოვან საკითხად მიაჩნია გადაუწყვეტელი (58%) და გადაწყვეტილი (55%) ამომრჩევლების თითქმის თანაბარ რაოდენობას. ასევე, თანაბარი რაოდენობა, გადაუწყვეტელი ამომრჩევლების 29% და გადაწყვეტილების 28% ფიქრობს, რომ მნიშვნელოვანია სიღარიბე.

იმ ამომრჩევლებს შორის, ვისაც გადაწყვეტილი აქვს, რომელ პოლიტიკურ ძალას უჭერს მხარს, 34 %–სთვის მნიშვნელოვანია ტერიტორიული მთლიანობა და ასევე, ეს საკითი მიაჩნია მნიშვნელოვნად გადაუწყვეტილი ამომრჩევლების 24%–ს.

საინტერესოა, რომ NDI-ს კვლევის მიხედვით, დასაქმებაზე ყველაზე ნაკლებად დედაქალაქში საუბრობენ, ასევე ყველაზე მეტად დედაქალაქში აწუხებთ ტერიტორიული მთლიანობის პრობლემა.

[sknews.ge]