NDI: ფასების ზრდა და ინფლაცია აწუხებს 86%–ს

2012 წლის საპარლამენტო არჩევნების შემდეგ, ქვეყანაში ერთ–ერთ გაუმჯობესებულ საკითხად უმრავლესობას, 55 %–ს, ჯანდაცვის ხელმისაწვდომობა მიაჩნია. 42% გაუმჯობესებულად სიტყვის თავისუფლებას მიიჩნევს. 25–25 პროცენტი ფიქრობს, რომ განათლებისა და ქალთა უფლებების საკითხები გაუმჯობესდა. უმცირესობათა უფლებების საკითხს გაუმჯობესებულად 19%, სასამართლო სისტემისას კი 18% მიიჩნევს.

გამოკითხულთა უმრავლესობის აზრით განათლების (50%), ქალთა (54%) და უმცირესობის წარმომადგენელთა (52%) უფლებების საკითხები, 2012 წლის საპარლამენტო არჩევნების შემდეგ არ შეცვლილა. 34% მიიჩნევს, რომ 2012 წლის შემდეგ არც სასამართლო სისტემაში შეცვლილა რაიმე. არაფერი შეცვლილა სიტყვის თავისუფლებისა (38%) და ხელმისაწვდომი სამედიცინო მომსახურების საკითხებშიც (27%).

2012 წლის შემდეგ ქვეყანაში, გამოკითხულთა უმრავლესობის აზრით განსაკუთრებით ფასების ზრდისა და ინფლაციის საკითხი გაუარესდა (86%), ასევე გაუარესდა სიღარიბის საკითხი 62%–ის აზრით, გაუარესებულია კრიმინალური მდგომარეობა 45%–ის აზრით.

[sknews.ge]