NDI: გამოკითხულთა 62%–ის აზრით ქვეყნის განვითარების კურსი არასწორია

მოქალაქეების 62%–ს მიაჩნია, რომ ქვეყანა არასწორი მიმართულებით ვითარდება, ხოლო 29% ამბობს, რომ ქვეყნის კურსი სწორია.
ბოლო 10 წელიწადში მოსახლეობა სიტყვის თავისუფლების, ხელმისაწვდომი ჯანდაცვისა და ქალებისა და უმცირესობების უფლებების კუთხით გაუმჯობესებას ხედავს.

თუმცა, შემდეგ საკითხებთან მიმართებაში, მოქალაქეები გაუარესებაზე მიუთითებენ: კორუფცია, სასამართლო სისტემა, სამუშაო ადგილები, კრიმინალი, სიღარიბე, ტერიტორიული მთლიანობა და ფასების ზრდა.

წამყვან ეროვნულ საკითხებად კვლავ ეკონომიკური თემები რჩება: სამუშაო ადგილები, სიღარიბე და ფასების ზრდა.

მოსახლეობის მხოლოდ 3% აფასებს საქართველოს ეკონომიკის მდგომარეობას "კარგად". გარდა ამისა, რესპოდენტების 59% აღნიშნავს, რომ გასულ თვეში არც ერთი ანაზღაურებადი დღე უმუშავია.

მოქალაქეებს სურთ, რომ სახელმწიფო ბიუჯეტი უმთავრესად ჯანდაცვას, განათლებას, პენსიებსა და სოციალურ დახმარებას მოხმარდეს. ამისთვის ისინი მზად არიან, რომ დაფინანსება საგარეო ურთიერთოებებს, პოლიციას და მცირე და საშუალო ბიზნესების დახმარებას მოაკლდეს.
კვლევის საველე სამუშაოები ჩატარდა 23 ივნისი-8 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით) 2 409 პირისპირ ინტერვიუს წარმომადგელობითი შერჩევის საფუძველზე.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო.
კვლევაში ცდომილების ზღვარი +/-1,9%-ია.

[sknews.ge]