ქვეყანის სამი მთავარი პრობლემა NDI-ს კვლევის მიხედვით

კვლევის მიხედვით, გამოკითხულთა 57% ამბობს, რომ ყველაზე მნიშნელოვანი პრობლემა სამუშაო ადგილებია. ფასების ზრდა და ინფლაცია მიაჩნია მთავარ პრობლემად 35% –ს, ხოლო 30% ფიქრობს, რომ ქვეყნისთვის მთავარი პრობლემა სიღარიბეა.

პრობლემათა ჩამონათვალში მომდევნო ადგილები ასე ნაწილდება: პენსიები – 26%, ტერიტორიული მთლიანობა – 23%, ხელფასები –18%, ხელმისაწვდომი სამედიცინო მომსახურება –18%, განათლება – 18%, რუსეთთან ურთიერთობა –13% , ადამიანის უფლებები –12%, სამართლიანობის აღდგენა – 9%, ნატოში გაწევრიანება – 6%, სამართლიანი არჩევნები – 6%, სიტყვის თავისუფლება – 5%, კრიმინალი –4%, ევროკავშირში გაწევრიანება – 3%, კორუფცია – 2%, საკუთრების უფლება – 2%, სასამართლო სისტემა –2%, მედიის დამოუკიდებლობა –1%, უმცირესობათა უფლებები –1%, ციხეები –1%.

სამუშაო ადგილები მიაჩნიათ მთავარ პრობლემად უმცირესობათა დასახლებებშიც. ეთნიკურად ჭრელ რეგიონებში 65% ფიქრობს, რომ მთავარი ეროვნული პრობლემა სამუშაო ადგილებია, 46%–ს კი ყველაზე მნიშვნელოვან პრობლემად სიღარიბე მიაჩნია.

საზოგადოების განწყობის შესახებ NDI-ს კვლევა დღეს, 11 აპრილს გამოქვეყნდა. კვლევა 23 თებერვლიდან 14 მარტის პერიოდში ტარდებოდა. წარმომადგენლობითი შერჩევით ქვეყნის მასშტაბით 3900 ინტერვიუერი გამოიკითხა. საშუალო ცდომილების ზღვარი +/- 1,6%–ია.
კვლევა შვედეთის საერთაშორისო განვითარების და თანამშრომლობის სააგენტოს (შიდა) მიერაა დაფინანსებული.

[ნინო ნარიმანიშვილი, ახალციხე]