„ნაციონალების“ აქციის მონაწილეებმა „ახალციხის ციხისკენ“ მსვლელობა მოაწყვეს

შოთა რუსთაველის ძეგლის მიმდებარე ტერიტორიაზე „ნაციონალური მოძრაობის“ ლიდერებმა გიგა ბოკერიამ და გიგი წერეთელმა, ასევე, მაჟორიტარი დეპუტატობის კანდიდატებმა სამცხე–ჯავახეთში ვანო მერაბიშვილის პოლიტიკაში ყოფნის პერიოდში გაკეთებული საქმეების შესახებ ისაუბრეს. მათ შეკრებილებს მხარდაჭერისკენ მოუწოდეს.

„8 ოქტომბერს ყველაფერი დასრულდება, ჩვენ გავიმარჯვებთ და ამ მთავრობას დავასრულებთ. ამაში კი თქვენი მხარდაჭერა გვჭირდება“, – განაცხადეს პარტიის ლიდერებმა.

ამის შემდეგ მათ, აქციის მონაწილეებთან ერთად შეძახილებით, „თავისუფლება ვანო მერაბიშვილს“, „ახალციხის აღმშენებელს, ვანო მერაბიშვილს გაუმარჯოს“ , „გაუმარჯოს ვანოს“ „ახალციხის ციხის“ ტერიტორიისაკენ გადაინაცვლეს. აქ პარტიის ლიდერები ამომრჩევლებს კიდევ ერთხელ მიმართავენ.

ამ წუთებში გადაკეტილი ქალაქის ცენტრალური ქუჩის ნაწილი.



[sknews.ge]