"ნაციონალების" აქციაზე ციხიდან მერაბიშვილის გამოგზავნილი წერილი წაიკითხეს

„ერთიანი ნაციონალურო მოძრაობის“ წევრმა გოკა გაბაშვილმა შოთა რუსთაველის ძეგლის მიმდებარე ტერიტორიაზე შეკრებილებს ციხიდან ვანო მერაბიშვილის გამოგზავნილი წერილი გააცნო. მისი თქმით, მერაბიშვილმა წერილი გუშინ, ამ აქციისთვის გამოგზავნა.

როგორც მერაბიშვილი წერილში წერს, მას დიდი დრო ჰქონდა იმისთვის, რომ წარსულში საკუთარი საქმიანობის შესახებ დაფიქრებულიყო.

„ყველაზე მეტად რასაც ვნანობ ჩემი ხელისუფლების სათავეში მოსვლის პერიოდიდან არის ის, რომ ძალიან გვიან მოვიცალე ჩემი მშობლიური მხარისთვის ყურადღების მისაქცევად. ხელისუფელბაში მოსვლის პერიოდში ძირითად დროს სახელმწიფო ინსტიტუტების მშენებლობას დავუთმე. რამაც საშუალება მოგვცა მნიშვნელოვანი ინფრასტრუქტურული პროექტების განხორციელება დაგვეწყო. სამწუხაროდ ეს აღმშენებლობა ჩვენმა მხარემ მხოლოდ ბოლო ეტაპზე იგრძნო“, – ნათქვამია წერილში.

როგორც მერაბიშვილი წერს, „ნაციონალური მოძრაობა“ ხელისუფლების სათავეში რომ დარჩენილიყო ახლა კარწახში თავისუფალი სავაჭრო ზონა უკვე ფუნცქიონირებას დაიწყებდა: „ეს ის დიდი კაპიტალის მოზიდვის საშუალება იქნებოდა. ასევე დასრულებული იქნებოდა რაბათის პროექტი და ახალციხის დიდი ნაწილი სრულიად იქნებოდა განახლებული. მე სიამაყით ვივსები, როდესაც მახსენდება რომ ბევრ თქვენთაგანთან ერთად წილად მხვდა ბედნიერება მონაწილეობა მიმეღო ახალციხის ციხის აღდგენაში. ჩვენი ყველას ვალია რომ დანარჩენი ქალაქი ახალციხის ციხის მსგავსად გავალამაზოთ. დღევანდელი ხელისულფების მხრიდან ახალციხის ციხის მივიწყებისა და სრული იგნორირების მიუხედავად ტურისტების ნაკადი როგორც მე ვიცი არ მცირდება. დარწმუნებული ვარ რომ ჩვენ ერთად არა ერთ მნიშვნელოვან პრობლემას გადავჭრით ჩვენ რეგიონში. მომავალ საპარლამენტო არჩევნებში ჩვენ ყველამ ერთად უნდა გავიმარჯვოთ და განვაგრძოთ ჩვენი ქვეყნის კეთილდღეობის მშენებლობა. ამისთივს მინდა გთხოვთ რომ მხარი დაუჭიროთ ჩვემ მეგობრებს, მაჟორიტარ კანდიდატებს ვაჟა ჩიტაშვილს, ტარიელ ლონდარიძეს და არსენ კარაპეტიანს“.

[sknews.ge]