ახალციხეში ისტორიის გამოცდაზე 12 აბიტურიენტი არ გამოცხადდა

პირველ სესიაზე ისტორიის საგნის ჩასაბარებლად, აბიტურიენტებმა რეგისტრაცია დილის 08:00 საათზე გაიარეს. ფურცლებსა და ელექტრონულ ვერსიაში ტესტებზე პასუხის გაცემა აბიტურიენტებს ორი საათისა და 40 წუთის განმავლობაში უწევდათ.

ამ სესიაზე რეგისრირებული 164 აბიტურიენტიდან 6 არ გამოცხადდა.

6 აბიტურიენტი არ გამოცხაადა, ასევე, ისტორიის გამოცდის მეორე სესიაზეც. როგორც ახალციხის საგამოცდო ცენტრში ამბობენ, აქ რეგისტრირებული 149 აბიტურიენტი იყო.

მათივე თქმით, საგამოცდო პროცესმა მშვიდად ჩაიარა.

საგამოცდო ტესტებზე პასუხის გაცემა არ გასჭირვებიათ აბიტურიენტებს. მათი თქმით, წარმოდეგნილი საკითხები რთული არ ყოფილა და მაღალ ქულებს ელოდებიან.

„როგორც საქართველოს, ისე მსოფლიო ისტორიიდან იყო საკითხები. არ გამჭირვებია, ვფიქრობ ,კარგ ქულებს ავიღებ“, - გვითხრა მარიამ პეტრიაძემ.

ახალციხეში საგამოცდო ცენტრიმეხუთე საჯარო სკოლაშია განთავსებული, სადაც მთელი დღის განმავლობაში როგორც საპატრულო, ისე სასწრაფო დახმარების ბრიგადები მორიგეობენ.

ხვალ, 19 ივლისს, აბიტურიენტებს გამოცდის ჩაბარება ლიტერატურაში მოუწევთ. გამოცდა ერთ სესიად გაიმართება.

[ლუბა გიორგაძე, ახალციხე]