ისტორიის გამოცდაზე 9 აბიტურიენტი არ გამოცხადდა

დღეს, 14 ივლისს აბიტურიენტებმა ისტორიის გამოცდა ჩააბარეს. საქართველოს 19–ვე საგამოცდო ცენტრში პირველი სესიისთვის რეგისტრაცია 08:00 საათზე, გამოცდა კი 09:00 საათზე დაიწყო. ახალციხის საგამოცდო ცენტრში ისტორიის გამოცდის პირველ გამოცდაზე 181 აბიტურიენტი იყო დარეგისტრირებული, გამოცდაზე კი 4 არ გამოცხადდა.

მეორე სესიისთვის საგამოცდო ცენტრებში რეგისტრაცია 14:00 საათზე, გამოცდა კი 15:00 საათზე დაიწყო. მეორე სესიაზე ახალციხის საგამოცდო ცენტრში დარეგისტრირებული 167 აბიტურიენტიდან გამოცდაზე 5 არ გამოცხადდა.

ხვალ აბიტურიენტები გამოცდას მათემათიკაში, ისევ ორ სესიად ჩააბარებენ.

შეგახსენებთ, რომ გამოცდები ახალციხის მეხუთე საჯარო სკოლის შენობაში მიმდინარეობს. საქართველოს განათლებისა და მეცნიერების სამინისტროს ინფორმაციით, წელს ერთიან ეროვნულ გამოცდებზე 40 000 - მდე აბიტურიენტია დარეგისტრირებული.

[თამარ თოთაძე, ახალციხე]