გეოგრაფიის გამოცდის პირველ სესიაზე 8 აბიტურიენტი არ გამოცხადდა

აბიტურიენტების დღეს გეოგრაფიის გამოცდას აბარებენ. გამოცდისთვის რეგისტრაცია საქართველოს 19–ვე საგამოცდო ცენტრში 08:00 საათზე, გამოცდა კი 09:00 საათზე დაიწყო. ახალციხის საგამოცდო ცენტრში დაგვიანებისა და გამოცდიდან მოხსნის ფაქტი არ დაფიქსირებულა. როგორც საგამოცდო ცენტრის მენეჯერის გელა ინასარიძე განმარტავს, გამოცდა მშვიდ ვითარებაში მიმდინარეობს.

ახალციხის საგამოცდო ცენტრში გეოგრაფიის გამოცდის პირველ სესიაზე რეგისტრირებული 241 აბიტურიენტიდან 8 არ გამოცხადდა. მეორე სესიისთვის რეგისტრაცია 14:00 საათზე, გამოცდა კი 15:00 საათზე დაიწყება.

შეგახსენებთ, რომ გეოგრაფიას წელს არჩევით საგნად მთელი საქართველოს მასშტაბით 12500-ზე მეტი აბიტურიენტი აბარებს.

[თამარ თოთაძე, ახალციხე]