ერევნის პოლიციაში შეჭრილი შეიარაღებული ჯგუფი პრეზიდენტის გადადგომას ითხოვს

სომეხი დეპუტატის ნიკოლა პაშინაიანის ინფორმაციით, პოლიციაში შეჭრილი შეიარაღებული დაჯგუფების წევრები სომხეთის პრეზიდენტის სერჟ სარგსიანის გადადგომასა და ძალაუფლების ხალხისთვის გადაცემას ითხოვს.

გავრცელებული ინფორმაციით, შეიარაღებულებმა პოლიციის სამმართველში 8 ადამიანი ტყვედ აიყვანეს, თუმცა ერთ–ერთი მათგანი ჯანმრთელობის მდგომარეობის გაუარესები გამო ჰოსპიტალში გადაიყვანეს.

ასევე ვრცელდება ინფორმაცია, რომ სომხეთის ხელისუფლების წარმომადგენლებმა შეიარაღებული დაჯგუფების წევრებთან მოლაპარაკებები დაიწყეს.სომხეთის უშიშროების სამსახური ერევანში შეიარაღებული ამბოხის დაწყებას არ ადასტურებს.

შეგახსენებთ, რომ დღეს, 17 ივლისს, ერევანში დილის საათებში ერთ–ერთი პოლიციის შენობაში შეიარაღებული პირები შეიჭრნენ.გარდაცვლილია ერთი ადამიანი.

შენობაში შეჭრილი ადამიანები 20 ივნისს დაკავებული ჟირაის სეფილიანის გათავისუფლებას ითხოვენ. გამოძიების ინფორმაციით, სეფელიანი შეიარაღებულ დაჯგუფებასთან ერთად აპირებდა შენობების, ტელეკომუნიკაციების, მათ შორის ერევნის სატელევიზიო ანძის დაკავებას. მათივე ცნობით, დანაშაულებრივი ჯგუფი გეგმავდა ყარაბაღის კონფლიქტის ზონაში ვითარების ესკალაციას პროვოკაციების გზით.

[ვარლამ წიკლაური, ახალციხე]