შეიარაღებული პირები ერევნის პოლიციაში შეიჭრნენ

მედიაში გავრცელებული ინფორმაციით, შეიარაღებული პირები ოპოზიციური მოძრაობიდან არიან. მათ მიერ შენობის დაკავების დროს ერთი ადამიანი დაიღუპა და რამდენიმე დაიჭრა.შენობაში მყოფი მოქალაქეების ნაწილი კი,მძევლად ყავთ აყვანილი.

პოლიციის შენობასთნ იმყოფება სომხეთის პოლიციის უფროსი ვლადიმერ გასპარიანი. ადგილზე მობილიზებული არიან სამხედროები. ვრცელდება ინფორმაცია, რომ სომხეთის პოლიცია უახლოეს დროში ოფიციალური განცხადებას გააკეთებს.

შენობაში შეჭრილი ადამიანები 20 ივნისს დაკავებული ჟირაის სეფილიანის გათავისუფლებას ითხოვენ. გამოძიების ინფორმაციით, სეფელიანი შეიარაღებულ დაჯგუფებასთან ერთად აპირებდა შენობების, ტელეკომუნიკაციების, მათ შორის ერევნის სატელევიზიო ანძის დაკავებას. მათივე ცნობით, დანაშაულებრივი ჯგუფი გეგმავდა ყარაბაღის კონფლიქტის ზონაში ვითარების ესკალაციას პროვოკაციების გზით.

[ვარლამ წიკლაური, ახალციხე]