სინაგოგის იუბილეზე სტუმრების გამასპინძლება 15 500 ლარი დაჯდა

კვებითი უზრუნველყოფის მომსახურეობაზე 29 მაისს სინაგოგის იუბილესთან დაკავშირებით მერიამ სამი ხელშეკრულება გააფორმა. აქედან ორი ინდმეწარმე მარიეტა თათეშვილთან გაფორმდა.

თათეშვილთან გაფორმებული ორივე ხელშეკრულება 250 კაცზე მომსახურებას ითვალისწინებდა. ერთ–ერთში ციტადელზე მოწყობილი ფურშეტისთვის მომსახურების საერთო ღირებულებამ 3 894 ლარი შეადგინა. მეორე ხელშეკრულება მომსახურებაში მხოლოდ ყავას, ჩაის, მინერალურ წყალსა და ფრეშს ითვალისიწნებდა. ამისთვის ადგილობრივმა თვითმმართველობამ 706 ლარი გადაიხადა.

რაც შეეხება მესამე ხელშეკრულებას, ის ინდმეწარმე ხათუნა გაბრიელიანთან გაფორმდა. დღის ბოლოს 300 კაცის ვახშამი მერიას 10 900 ლარი დაუჯდა.

შეგახსენებთ, ახალციხეში უძველესი სინაგოგის იუბილე საზეიმოდ 29 მაისს აღნიშნეს. ღონისძიების გამართვა მერიას, გარდა კვებისთივს გაწერილი 15 500 ლარისა, 30 000 ლარი დაუჯდა.

[თამუნა უჩიძე, ახალციხე]