ადიგენის მერიამ 2018 წელს სტუმრების კვებისთვის 16 000 ლარზე მეტი დახარჯა

2018 წელს წარმომადგენლობითი ხარჯებიდან 600 ლარი სოფელი ბოლაჯურის ბაღის გახსნისადმი მიძღვნილი ღონისძიების დროს, 3 400 ლარი „ზეკარობის“, 750 ლარი შალვა კეღოშვილის იუბილესა და ხსოვნის დღესადმი მიძღვნილი ღონისძიებისთვის, 1 400 ლარი ჟვანიას სახელობის პედიატრთა აკადემიური კლინიკის ექიმების მასპინძლობისთვის, 3 705 ლარი ანთიმოზ ივერიელის ხსენების დღისადმი მიძღვნილი ღონისძიებისთვის, ხოლო 6 240 ლარი სამუშაო ვიზიტით მყოფი სტუდენტებისა და გუბერნიის წარმომადგენლების კვებითი მომსახურეობისთვის გაიწერა. საბოლოო ჯამში თანხის ოდენობამ 16 095 ლარი შეადგინა.

მიმდინარე წელს, მუნიციპალიტეტმა წარმომადგენლობითი ხარჯების გადასარიცხად ექვსი ხელშეკრულება გააფორმა. აქედან სამი ინდივიდუალურ მეწარმესთან თამარ ოგანესიანთან 11 040 ლარზე. ასევე, ინდივიდულაურ მეწარმესთან მარინე თუმანიშვილთან ხელშეკრულება ორჯერ გააფორმეს და ჯამში 1 350 ლარი გადაურიცხე, ინდივიდუალურ მეწარმესთან სტეფანე მერაბიშვილთან კი ერთი ხელშკერულება 3 705 ლარზე დადეს.

2017 წელს ადიგენის ადგილობრივი ბიუჯეტიდან სტუმრების კვებისთვის 16 015 ლარი დაიხარჯა. აქედან 624 ლარი ეტალონის შემოქმედებითი ჯგუფისთვის, 1 350 ლარი რამაზანის რელიგიურ ღონისძიებაზე მოწვეული სტუმრებისთვის, 786 ლარი იაპონიის საელჩოს წარმოამდგენლებისა და მისი თანმხლები პირებისთვის, 2 650 ლარი ანთიმოზობის და 5 605 ლარი – წმინდა სერაპიონ ზარზმელის ხსენების და 5 000 ლარი ზეკარობის დღესასწაულზე მოწვეული სტუმრებისთვის.

[თორნიკე ზაზაძე, ახალციხე]