ბიზნესმენ ოთარ თათეშვილთან საპროცესო გაფორმდა

ოთარ თათეშვილთან საპროცესო გარიგება 29 ნოემბერს შედგა. მისი ადვოკატის ნოდარ აკოფაშვილის განცხადებით, საპროცესო გარიგების მიხედვით თათეშვილს ჯარიმა 260 000 ლარი და ორი წელი პირობითი მსჯავრი შეეფარდა.

„ასევე მას ანაზღაურებული აქვს ზიანი დაახლოებით 140 000 ლარი“, – ამბობს აკოფაშვილი.

შეგახსენებთ, ოთარ თათეშვილი ფინანსთა სამინისტროს საგამოძიებო სამსახურმა 26 ოქტომბერს, ამავე უწყებაში დაკითხვის შემდეგ დააკავა. მას ბრალი ორი მუხლით ედება: 182–ე მუხლის მესამე ნაწილი, – დიდი ოდენობით თანხის მითვისება–გაფლანგვა და 299–ე მუხლის პირველი ნაწილი – სასარგებლო წიაღისეულის უკანონოდ მოპოვება.

[თამუნა უჩიძე, ახალციხე]