30.000 ლარი ქართულ–ებრაული ზეიმისთვის – რა იგეგმება სინაგოგის იუბილეზე

ახალციხეში მდებარე უძველესი სინაგოგა

სატენდერო დოკუმენტაციის მიხედვით, სინაგოგის იუბილესთან დაკავშირებით საზეიმო ღონისძიებები სინაგოგის მიმდებარე ტერიტორიასა და მესხეთის სახელმწიფო დრამატულ თეატრში გაიმართება.

დაგეგმილია ქართულ–ებრაული მეგობრობის ამსახველი ფოტოგამოფენის მოწყობა. რისთვისაც ტენდერში გამარჯვებულმა ახალციხეში მცხოვრები ქართველი ებრაელების შესახებ ძველი ფოტომასალა უნდა შეგროვოს, დაამუშავოს და გამოფენა მოაწყოს. საჭიროა მინიმუმ 30 ფოტო მომზადდეს.

ასევე, იგეგმება გრანდიოზული კონცერტი ცეკვისა და სიმღერის ანსამბლების მონაწილეობით. აუცილებელი პირობაა, კონცერტში ებრაელი კომპოზიტორისა და მომღერლის, ასევე, ქართული ესტრადის ვარსკვლავების მონაწილეობა. კონცერტში მონაწილეობა უნდა მიიღოს ადგილობრივმა მესხურმა ფოლკლორულმა ანსამბლმაც.

გარდა ამისა, სატენდერო სოკუმენტაციის მიხედვით, თეატრის მსახიობების მონაწილეობით ებრაულ თემატიკაზე რამდენიმეწუთიანი სპექტაკლი უნდა დაიდგას.
დაიბეჭდება ხუთი, სპეციალური ბანერი, ქალაქის ცენტრალური ქუჩებისა და სცენის გასაფრომებლად, წარწერით: „ქართულ–ებრაული მეგობრობა“.

ტენდერში გამარჯვებულმა უნდა დაამზადოს 60 მაისური, წარწერით „ქართულ–ებრაული მეგობრობა“ და 300 მოსაწვევი, – 50 ბარხატის ფურცელზე, 250 კი ჩასადები კონვერტით ტილოზე.

გარდა ამისა, დაგეგმილია სხვადასხვა ტიპის საჩუქრებისა და სუვენირების შეძენა სტუმრებისთვის. წარწერა „ქართლ–ებრაული მეგობრობა“ ყველა ნივთს უნდა ჰქონდეს.

ღონისძიების დასასრულს მსურველებს შეუძლებლობა ექნებათ თავიანთი ემოცია წერილობიტ დატოვონ. ჩანაწერების წიგნი, ბარხატის ყდით, ასევე აუცილებელი პირობაა ტენდერის.

შეგახსენებთ, ახალციხეში, რაბათში მდებარე სინაგოგა საქართველოში მდებარე ყველაზე ძველი ნაგებობაა. სინაგოგის იუბილეზე ქალაქი ბევრ სტუმარს ელოდება.

იუბილის აღსანიშნავი ღონისძიებები მთელი დღის განმავლობაში გაგრძელდება.

[თინათინ ზაზაძე, ახალციხე]