ახალციხელი ხელოვანის გამოფენა [Photo]

ბიბლიოთეკაში ხათუნა მაღრაძის მიერ შესრულებული თექის თოჯინები, ზღაპრებისა და ნაწარმოებების გმირები, სუვენირები და ფოტოები გამოიფინა. ნამუშევრების უმრავლესობა თექის მასალით იყო დამზადებული. ასევე, იყო ნაქარგები და ნაჭრებისგან შექმნილი ეგზემპლარები.

ხათუნა ამბობს, რომ თოჯინების დამზადების კურსები ახალციხის ზრდასრულთა განათლების ცენტრში გაიარა: „ძირითადად ვმუშაობ ნაჭერზე, ვამუშავებ თექას და ვქარგავ. ვაკეთებ სუვენირებს და სხვადასხვა ქართული ნაწარმოების პერსონაჟების თოჯინებს“.

ხათუნას თავად მაღაზია არ აქვს. ამბობს, რომ ნამუშევრების ნაწილს ახალციხის ციხეში მდებარე ერთ–ერთ მაღაზიას აბარებს. მისივე თქმით, ყველაზე მეტად მისი თოჯინები ტურისტულ სეზონზე იყიდება.

ხათუნა მაღრაძის ნამუშევრების გამოფენა ახალციხის ცენტრალური ბიბლიოთეკის ორგანიზებით გაიმართა.









[ნათია გულიაშვილი, სოფო ღვინიაშვილი, ახალციხე]