შშმ მოსწავლეთა ნამუშევრების გამოფენა მეშვიდე სკოლაში

სკოლის ეზოში 30 მოსწავლის მიერ, მთელი წლის განმავლობაში შექმნილი ნამუშევრები გამოფინეს. ეს იყო ხის, ქაღალდის, თექის, მუყაოს და სხვადასხვა ბუნებრივი მასალისგან შექმნილი, სხვადასხვა ნამუშევრები.

"ეს არის შეძენილი მასალებისა და სკოლაში გამოუსადეგარი ნივთებისგან შექმნილი ნამუშევრები. ისინი სეზონების მიხედვით თემატურად დავყეთ“, – ამბობს მეშვიდე სკოლის დირექტორის მოადგილე დალი კრაველიძე.

გამოფენის პარალელურად, მოსწავლეები მონაწილეობდნენ სხვადასხვა აქტივობებში, – მოხატეს სკოლის ეზოს ნაწილი, ერთმანეთს შეეჯიბრნენ ბაგირის გადაზიდვაში, მძლეოსნობაში, შაშსა და ტენისში.

ღონისძიების ინიციატორები ამავე სკოლის აღმზრდელები იყვნენ.

"ეს არის ძალიან ფერადი, მხიარული და ლამაზი დღე ჩვენი ბავშვებისთვის“, – ამბობს დალი კრაველიძე.















[მარიამ ბარძიმაძე, ახალციხე]