შშმ პირების საახალწლო ნამუშევრების გამოფენა–გაყიდვა გაიმართა

საახალწლო თემაზე შექმნილ ნამუშევრებს შშმ პირთა სარეაბილიტაციო ცენტრის ,,ტალიტა–კუმის“ 16–ი აღსაზრდელი რამდენიმე თვის განმავლობაში ამზადებდა.

შშმ პირები დღის ცენტრში არტ–თერაპიის კურსს გადიან და სხვადასხვა ხელსაქმეს სწავლობენ. სწორედ მათი ნამუშევრები გამოფინეს დღეს, 21 დეკემბერს, ახალციხის ცენტრალურ პარკში. მსურველებს ნამუშევრების შეძენა სიმბოლურ ფასად შეეძლოთ.

ბენეფიციარებმა საახალწლო ნივთები თექის, თიხის, ხის, პლასტმასის, ქაღალდის და სხვადასხვა ნივთისგან დაამზადეს.

"ძალიან დიდი შრომაა ჩადებული“,– ამბობს ცენტრის პედაგოგი მელანო ჩილინგარაშვილი.

შეგახსენებთ, რომ ახალციხის კათოლიკურ ეკლესიასთან არსებული შშმ პირების სარეაბილიტაციო ცენტრი „ტალიტა კუმი“ ახალციხეში დაახლოებით შვიდი წელია არსებობს.

ცენტრში რეაბილიტაციას შეზღუდული შესაძლებლობის მქონე პირები გადიან, მათი ასაკი 15 წლის ზემოდან იწყება.

ბენეფიციარები ცენტრში არტ-თერაპიის კურსს გადიან, სწავლობენ მუსიკას, სხვადასხვა ხელსაქმეს.




[მარიამ ბარძიმაძე, ახალციხე]