ბორჯომში, ნახანძრალ ტყეში, ახალგაზრდებმა 500 ნერგი დარგეს [Photo]

გამწვანების აქცია სოფელ დაბაში გუშინ, 13 მაისს მოეწყო.

აქცია „ტოლერანტობის სამოქალაქო ცნობიერებისა და ინტეგრაციის მხარდამჭერი პროგრამა PITA-ს“ ახალციხის ახალგაზრდული ცენტრისა და „World Vision Georgia-ს სამცხე-ჯავახეთის სამხარეო განვითარების პროგრამის“ სასკოლო კლუბების წევრების ინიციატივით მოეწყო.

ახალგაზრდებს მხარდაჭერა საქართველოს გარემოს დაცვის სამინისტრომ გაუწია. გამწვანების აქციაში ჩაერთვნენ წაღვერის ეკო კლუბის, სხვადასხვა ბიზნეს და მედია ორგანიზაციების წარმომადგენლებიც.

ახალციხის ახალგაზრდული ცენტრისა და სასკოლო კლუბების ახალგაზრდებმა გამწვანების მასშტაბური აქცია ერთი წლის წინ დაგეგმეს. გასული, 2015 წლის 24 მაისს, საზოგადოებრივი ორგანიზაცია დემოკრატ მესხთა კავშირის, სამცხე-ჯავახეთის სამხარეო განვითარების პროგრამის და ახალციხის ახალგაზრდული ცენტრის ორგანიზებით გამართულ, სამცხე-ჯავახეთის, პირველ, ახალგაზრდულ ფორუმზე ახალგაზრდებმა ამ საკითხზე იმსჯელეს და ტყის აღდგენაში თავიანთი წვლილის შეტანა გააწყვიტეს.

ამ ფორუმს, მაშინ, ადგილობრივი და საერთაშორისო არასამთავრობო ორგანიზაციების, ბიზნეს სექტორის, ადგილობრივი თვითმმართველობებისა და საქართველოს გარემოსა და ბუნებრივი რესურსების დაცვის სამინისტროს წარმომადგენლები ესწრებოდნენ. სამინისტრომ სწორედ მაშინ გამოუცხადა მხარდაჭერა "გარემოს დაცვისა და ეკოლოგიის" საკითხებზე ახალგაზრდების მიერ წარდგენილ პროექტს.











[ნინო ნარიმანიშვილი, ბორჯომი]