სხვილისში გამწვანების აქცია მოეწყო

გამწვანების აქცია "მწვანე მომავალი" დღეს, 14 ნოემბერს გაიმართა. სამხარეო ადმინისტრაციისა და ახალციხის მუნიციპალიტეტის გამგეობის წარმომადგენლები პრემიერ–მინისტრის ირაკლი ღარიბაშვილის ინიციატივას შეუერთდნენ და სოფელ სხვილისის მიმდებარე ტერიტორიაზე ნერგები დარგეს. აქციის ფარგლებში სულ 3 500 ძირი იფანი და ნეკერჩხალი დაირგო.

მსგავსი აქცია ორშაბათს, 17 ნოემბერს ახალციხეშიც ჩატარდება და ქალაქის ტერიტორიაზე იგივე რაოდენობის ნერგს დარგავენ.

ირაკლი ღარიბაშვილის ინიციატივით ნერგების დარგვა მთელი საქართველოს მასშტაბით გაზაფხულზე დაიწყო. პროექტის მიზანი საქართველოში გამწვანების პროცესის ხელშეწყობა და ჯანსაღი გარემოს პოპულარიზაციაა.

[sknews.ge]