დღეს ''სამცხე – ჯავახეთის ახალგაზრდული ფორუმი 2015'' გაიმართება

"სამცხე – ჯავახეთის ახალგაზრდული ფორუმი 2015"ოფიციალურად დღეს, 14:00 საათზე გაიხსნება, რის შემდეგაც სამცხე – ჯავახეთის სამხარეო განვითარების პროგრამის მენეჯერი (World Vision Georgia) ნინო ლომიძე ფორუმზე მიწვეულ სტუმრებს მიესალმება და ახალგაზრდების გაძლიერების კუთხით ორგანიზაციის საქმიანობას მიმოიხილავს.

ფორუმზე ასევე დაგეგმილია თემატური ჯგუფების მიერ შემუშავებული პროექტების პრეზენტაციები და პროექტების დაფინანსების შესაძლებლობების განხილვა/რესურსების მობილიზაცია.

"სამცხე – ჯავახეთის ახალგაზრდულ ფორუმს" World Vision Georgia – ს დირექტორი სამხრეთ კავკასიაში ჰანს ბედერსკი, რეგიონული არასამთავრობო ორგანიზაციების ქსელის მენეჯერი თამარ ფრუიძე, გარემოსდაცვით და ბუნებრივი რესურსების მინისტრის მოადგილე ბესარიონ აბაშიძე, სპორტისა და ახალგაზრდობის საქმეთა სამინისტროს სსიპ „ბავშვთა და ახალგაზრდობის განვითარების ფონდის დირექტორი ირაკლი ჟორჟოლიანი, საქართველოს პარლამენტის რეგიონული განვითარებისა და თვითმმართველობის კომიტეტის წარმომადგენელი ხათუნა ხვიჩია და სამცხე – ჯავახეთის სამხარეო ადმინისტრაციის რეგიონული განვითარების სამსახურის უფროსი, მარინა გაჩეჩილაძე დაესწრება.

[მანანა სარაშვილი, ახალციხე]