ხანძრის შედეგად არჯულის მთაში 16 მეასედი ტყის მასივი დაიწვა

ახალციხის მუნიციპალიტეტის სოფელ ანდასთან ხანძარი გუშინ, 25 აპრილს გაჩნდა. ახალციხის სახანძრო–სამაშველო სამსახურის უფროსის პაატა კბილაშვილის განცხადებით, შეტყობინება დაახლოებით16:00 საათისთვის შევიდა.

„ცოტა გაგვიჭირდა, მაგრამ ჩვენი ძალებით შევძელით ხანძრის ჩაქრობა. რისგან გაჩნდა ცეცხლი, არ ვიცით“, – ამბობს პაატა კბილაშვილი.
მისი თქმით, ამ ეტაპზე ხანძრის გავრცელების საშროება არ არსებობს: „გადავამოწმეთ და ყველაფერი რიგზეა“.

შეგახსენებთ, რომ არჯულის მთაში ხანძარი 2014 წლის მაისშიც გაჩნდა, მაშინ ცეცხლი ბალახს ეკიდა მეხანძრეებმა მისი ჩაქრობა მალევე შეძლეს.

[თინათინ ზაზაძე, ახალციხე]