ახალციხეში ხანძრის შედეგად სტეფანიანების სახლის ნაწილი დაიწვა [Photo]

ოჯახის წევრებმა დაახლოებით დილის 09:00 საათისთვის ძლიერი კვამლის სუნი იგრძნეს და სახანძრო–სამაშველო სამსახური გამოიძახეს.
„კვამლის სუნმა გამოგვაღვიძა. სახანძრო დროულად მოვიდა, მხოლოდ ორი ოთახი დაიწვა. ყველა კარგად ვართ“, – ამბობს ჯულიეტა სტეფანიანი.

შემთხვევის ადგილზე სახანძრო – სამაშველო სამსახურებთან ერთად ახალციხის მერის რწმუნებული გევორქ აკოფიანი და დეპუტატი ამბარცუმ ბაბოიანი მივიდა.

„სახანძრო სამსახურიდან მოვა დასკვნა, რის მიხედვითაც ოჯახს დაახლოებით 1500 ლარის ოდენობით დავეხმარებით“, – ამბობს ამბარცუმ ბაბოიანი.

შეგახსენებთ, რომ ახალციხეში, გორგასლის 12 ნომერში ხანძარი დაახლოებით დილის 09:00 საათზე გაჩნდა. ახალციხის სახანძრო – სამაშველო სამსახურის განყოფილების უფროსის პაატა კბილაშვილის განმარტებით ცეცხლი სავარაუდოდ საკვამურის მილიდან გაჩნდა.




[თინათინ ზაზაძე, ახალციხე]