მუსხში საცხოვრებელ სახლს სახურავი დაეწვა

ახალციხის სახანძრო-სამაშველო სამსახურში ხანძრის შესახებ შეტყობინება 12 იანვარს, 19:20 საათზე შევიდა. სამსახურის უფროსის პაატა კბილაშვილის თქმით, სახანძრო მანქანა სოფელში დაახლოებით 15 წუთში მივიდა და ხანძრის ლოკალიზება მალევე მოხერხდა.

„ახალციხიდან ორი მანქანა გავიდა, მაგრამ მეორე გზიდან დავაბრუნეთ რადგან ცეცხლი უკვე ჩამქრალი იყო. ხანძარი სავარაუდოდ დაუდევრობის გამო გაჩნდა“, - ამბობს პაატა კბილაშვილი.

სოფელ მუსხის ტერიტორიული ორგანოს რქმუნებულის ბადრი ზაზაძის თქმით, ცეცხლი სავარაუდოდ აზბესტის მილიდან გაჩნდა. გაბრიელ ოქრომელიძის ოჯახს სახლის სახურავი დაეწვა.

ახალციხის მუნიციპალიტეტის გამგებლის მოვალეობის შემსრულებლის ბესიკ ბლიაძის თქმით, აღნიშნული საკითხი ჯერ კომისიამ უნდა შეისწავლოს, ზარალი დაითვალოს და მხოლოდ ამის შემდგომ გადაწყდება დაეხმარებიან თუ არა სამშენებლო მასალით დაზარალებულებს.

[თამარ თოთაძე, ახალციხე]