ბორჯომ–ხარაგაულის ეროვნულ პარკში ხანძრის ბოლომდე ჩაქრობა უჭირთ

ახალციხის სახანძრო სამაშველო სამსახურის უფროსის პაატა კბილაშვილის განმარტებით, ბორჯომ–ხარაგაულის ეროვნულ პარკში, ხანძარი ახალ ტერიტორიებზე არ გავრცელებულა, თუმცა როდის მოხდება ხანძრის ლიკვიდაცია ვერ აკონკრეტებს.

„სტაბილური მდგომარეობაა, ლოკალიზაცია უკვე შევძელით, მთავარია ცეცხლი მიმდებარე ტერიტორიაზე აღარ ვრცელდება“, – აბობს პაატა კბილაშვილი.

შეგახსენებთ, რომ ხანძარი ტყეში 7 სექტემბერს დაახლოებით 14:00 საათისთვის გაჩნდა. ხანძრის გავრცელების სავარაუდო მიზეზად დაუდევრობა სახელდება. ხანძრის ლოკალიზებას ადგილის მიუვალობა ართულებდა.

საგანგებო სიტუაციების მართვის სააგენტოს ინფორმაციით, დაიწვა 1 ჰექტრამდე ტყის მასივი.

[თინათინ ზაზაძე, ახალციხე]