დაბა ადიგენში შიდა გზებს აწესრიგებენ

დაბა ადიგენში თამარ მეფის, ჩადუნელისა და ბალახაშვილის ქუჩების სამშენებლო სამუშაოები მიმდინარეობს. ამ ეტაპზე გზებზე ქვესაგები ფენის გაძლიერებისათვის ქვიშა–ხრეშოვანი ნარევი იყრება.

პროექტის ფარგლებში მოასფალტების პარალელურად რკინა-ბეტონის სანიაღვრე არხები მოეწყობა.

სამუშაოები რეგიონებში განსახორციელებელი პროექტების ფონდიდან ფინანსდება, ადიგენის მუნიციპალიტეტის 5%-იანი თანადაფინასებით. როგორც ადიგენის მუნიციპალიტეტის გამგეობაში განმარტავენ, თანადაფინანსებით ადგილობრივი ბიუჯეტიდან 31.513 ლარია გამოყოფილი.

საერთო ჯამში პროექტის ღირებულება 630 267 ლარს შეადგენს.

[ლუბა გიორგაძე, ადიგენი]