ადიგენში ინფრასტრუქტურული სამუშაოები აქტიურად მიმდინარეობს ®

ხევაშენი-ნაქურდევის დამაკავშირებელი საავტომობილო გზის რეაბილიტაციის ფარგლებში, მოეწყობა 3.5 კილომეტრზე მეტი ასფალტ-ბეტონის გზა სანიაღვრე არხებით, მილ-ხიდებით, ცხაურებით, ეზოში შესასვლელებითა და გვერდულებით.
პროექტის ჯამური ღირებულება 1 079 000 ლარია.

არლისა და წარბასთუმნის დამაკავშირებელი გზის რეაბილიტაციის ფარგლებში, 3 კილომეტრიანი ბეტონის გზა მოეწყობა, სანიაღვრე არხებითა და მილ–ხიდებით.
პროექტის ჯამური ღირებულება 249 999 ლარია.

სახელმწიფო რწმუნებული ბესიკ ამირანაშვილი, რწმუნებულის მოადგილე შოთა როსტიაშვილი და ადიგენის მუნიციპალიტეტის მერის მოადგილე არსენ ბალახაშვილი, ადიგენის მუნიციპალიტეტში ინფრასტრუქტრულ პროექტების მიმდინარეობას ადგილზე გაეცნენ.

აღნიშნული ინფრასტრუქტურული პროექტები რეგიონალური განვითარების ფონდისა და ადგილობრივი ბიუჯეტის თანადაფინანსებით ხორციელდება.