ადიგენის სოფლებში გზების რეაბილიტაცია მიმდინარეობს

იმერთუბნისა და იჯარეთის დამაკავშირებელი საავტომობილო გზის ორი კილომეტრი მოასფალტდება. სამუშაოებისთვის რეგიონებში განსახორციებელი პროექტების ფონდიდან და ადგილობრივი ბიუჯეტიდან 759 089 ლარია გამოყოფილი.

საგზაო ინფრასტრუქტურის სარეაბილიტაციო სამუშაოები მიმდინარეობს, ასევე ლელოვანი-ამხერის გზის სამ კილომეტრიან მონაკვეთზეც. ადგილობირივი თვითმმართველობის ინფორმაციით, აღნიშნულ გზაზე მოეწყობა რკინა ბეტონის სანიაღვრე არხები, მილხიდები, გაბიონები და დაიგება ასფალტის საფარი. სარეაბილიტაციო სამუშაოებისათვის რეგიონებში განსახორციელებელი პროექტების ფონდიდან 1 146 542 ლარია გამოყოფილი.

აღნიშნული პროექტები რეგიონის გუბერნატორმა და ადიგენი–ახალციხის მაჟორიტარმა დეპუტატმა ადგილობრივი თვითმმართველობის წარმომადგენლებთან ერთად დაათვალიერეს.



[sknews.ge]