დაბა ადიგენში საკანალიზაციო სისტემის რეაბილიტაცია მიმდინარეობს

დაბა ადიგენში საკანალიზაციო სისტემის მოწესრიგება ამ ეტაპზე ბალახაშვილის ქუჩის 30 და 34 ნომერში, თ. ერისთავის ქუჩის 50–ში და ზაზაშვილის ქუჩის 32-ში მიმდინარეობს. ასევე რეაბილიტაცია უტარდება თამარ მეფის ქუჩაზე არსებულ საზოგადოებრივი საპირფარეშოს საკანალიზაციო სისტემას.

ადიგენის მუნიციპალიტეტის გამგეობის ინფორმაციით, პროექტის ფარგლებში განახლდება მოძველებული მილსადენები, მოეწყობა რკინა-ბეტონის საკანალიზაციო ჭები, რომლებზეც თუჯის სახურავები დამონტაჟდება.

ადიგენის მუნიციპალიტეტის გამგეობაში განმარტავენ, რომ აღნიშნული სამუშაებისთვის თანხა ადგილობრივი ბიუჯეტიდან გამოიყო. დაბა ადიგენში, საკანალიზაციო სისტემის გარკვეულ მონაკვეთებზე მოწესრიგებისთვის ჯამში 32 500 ლარი დაიხარჯება. სამუშაოების ნაწილი უკვე დასრულებული, ნაწილი კი სრულდება.

[თამარ თოთაძე, ადიგენი]