ადიგენში კორპუსების რეაბილიტაცია მიმდინარეობს

ერისთავის, ზაზაშვილის, ბალახაშვილისა და ჭავჭავაძის ქუჩებზე მდებარე თერთმეტივე ბინის ოთხივე ფასადი შეიღებება და მოწესრიგდება სადარბაზოები.

აღნიშნული სამუშაოები რეგიონებში განსახორციელებელი პროექტების ფონდიდან და ადგილობრივი ბიუჯეტიდან 592 968 ლარით ფინანსდება.

მხარის გუბერნატორმა დაბა ადიგენში საზოგადოებრივი ცენტრის მშენებლობა და ლელოვანი-ამხერის დამაკავშირებელი გზის სარეაბილიტაციო სამუშაოებიც დაათვალიერა, სადაც საგზაო ინფრასტრუქტურა სამ კილომეტრამდე სიგრძის მონაკვეთზე მოწესრიგდება. პროექტის ფარგლებში დაიგება ასფალტ–ბეტონის საფარი, მოეწყობა სანიაღვრე არხები და გაბიონები. ამასთანავე შეიცვლება წყლსადენი სისტემა და აშენდება სასმელი წყლის ახალი რეზერვუარი.





[sknews.ge]