2.142.814 ლარი 4 პროექტისთვის – რა იგეგმება ადიგენში

ადიგენში რეგიონებში განსახორციელებელი პროექტების ფონდიდან 2 142 814 ლარი დაიხარჯება

2016 წელს ადიგენში რეაბილიტაცია ჩაუტარდება ქვემო ენთელი - ზემო ენთელი - ფხერო -შოყა - ოქროს ციხის ადგილობრივი მნიშვნელობის გზას. აღნიშნული გზის რეაბილიტაციის მეორე ეტაპი მიმდინარეობს. ასევე მოასფალტდება დიდი ზანავი-პატარა ზანავი-ჭულეს დამაკავშირებელი გზა.

გზის საფარი მოწესრიგდება დაბა ადიგენში: თამარ მეფის, ჩადუნელის და ბალახაშვილის ქუჩებზე.
სასმელი წყლის სათავე-ნაგებობა და მაგისტრალური ქსელი მოეწყობა ადიგენის მუნიციპალიტეტის სამ სოფელში: ჩორჩანში, დიდსა და პატარა სმადაში.

აღნიშნული პროექტებისთვის საერთო ჯამში 2.142.814 ლარია გათვალისწინებული, მუნიციპალიტეტის 5%-იანი თანამონაწილეობით.

[თინათინ ზაზაძე, ადიგენი]