შუსრულდა თუ არა ახალციხის 2015 წლის ბიუჯეტი 100%–ით?

ახალციხის საკრებულოს სხდომაზე დეპუტატებმა 2015 წლის ბიუჯეტის შესრულების ანგარიში მოისმინეს. საფინანსო–საბიუჯეტო სამსახურის უროსის ლია ხმალაძის განცხადებით, გასული წლის ბიუჯეტი ყველა აქტივობის მიხედვით 100%–ით შერულუდა.

არ დაეთანხმა ხმალაძეს ახალციხის საკრებულოს თავმჯდომარე დავით ლომიძე. მისი თქმით, ანგარიში არასრულყოფილია: „აქ ნაჩვენებია, რომ შესრულება იყო 100 %–ით, მაგრამ გაწეულ ხარჯებში იყო ისეთი პროექტები, რომლებიც გარდამავალია და არ შესრულებულა. ამიტომ დეტალურად უნდა ყოფილიყო ყველაფერი გაწერილი“.

ლომიძის განცხადებით განმარტებითი ბარათი დასახვეწია და საფინანსო–საბიუჯეტო სამსახურის უფროსი საკრებულოს სხდომებზე მის წარსადგენად უფრო მეტად მომზადებული უნდა ყოფილიყო, ეს იმისთვის, რომ დამატებითი კითხვები აღარ გაჩენილიყო.

„მერიის სამსახურების მიერ შესრულებული საქმეები საზოგადოებისთვის უფრო გამჭვირვალე რომ იყოს, ამის შემდეგ მათ საკრებულოს სხდომებამდე კომისიის სხდომებზე მოვუსმენ“, – აცხადებს ლომიძე.

ქალაქის საკრებულოს სხდომა 25 მარტს გაიმართა.

[ლუბა გიორგაძე, ახალციხე]